Ի՞նչ անել, եթե ձեզ վրա շուն է հարձակվում

Ի՞նչ անել, եթե ձեզ վրա շուն է հարձակվում

Ֆեյսբուքյան օգտատերերից Օվսաննա Հովսեփյանն իր էջում գրել է.

«ԻՆՉ ԱՆԵԼ, ԵԹԵ ՁԵԶ ՎՐԱ ՇՈՒՆ Է ՀԱՐՁԱԿՎՈՒՄ (կամ ձեզ թվում է, որ ուզում է հարձակվել)

Երևանի քաղաքապետարանը դադարեցրել է սպանդի պրակտիկան: Շների սպանդն այսուհետ քրեորեն պատժելի է, իսկ բոլոր շներին կացարանում պահելը՝ անիրական, անարդյունավետ և անիմաստ (այդ մասին մանրամասն կարդացեք այստեղ՝
Հետևաբար եկել է ժամանակը, որ բնակչությունը շների վարքի և նրանց հետ վարվելու որոշակի կանոնների տիրապետի:

Հարկ է նշել, որ մեր հասարակության մի զգալի մաս չի սիրում կամ վախենում է շներից: Ինչպես ցույց է տալիս մեր պրակտիկան, մարդիկ հաճախ ահազանգում են շների հարձակման մասին սեփական վախից, ոչ թե որովհետև շունը հարձակվել է: Ժամանակն է հաղթահարելու վախերը: Հիշեք, որ վախերը առաջին հերթին վնասում են հենց ձեզ:

Եվ այսպես: Որ դեպքում շները կարող են հարձակվել:
— Ձագերին պաշտպանելու (ստերջացված շան դեպքում վերանում է այս պատճառը)
— Զույգավորման նպատակով ոհմակ կազմած ժամանակ (ստերջացված լինելու դեպքում վերանում է նաև այս պատճառը)
— Զույգավորման ժամանակ էգ շների մոտ “իրենց ցույց տալու” (ստերջացման դեպքում վերանում է նաև այս պատճառը)
— Սեփական տարածքը պաշտպանելու (օրինակ այգու որևէ հատված շունը համարում է իրենը)
— Շարժմանը նկատմամբ արթնացող “որսին լարելու” բնազդը (վազող մարդ, հեծանիվ և այլն)
— Եթե տեսնում եք հանգիստ պարկած շանը և միանգամից ընկնում եք պանիկայի մեջ ու ի ցույց դնում ձեր վախը, դա կարող է հրահրել շանը հարձակման:
— Եթե նախկինում շան հետ վատ են վարվել ձեզ արտաքնապես նման մարդ (մազի ձև, նման հագուստ, մոտավոր ֆիզիկական նմանություն):

Եվ այնուամենայնիվ ինչ անել, եթե շունը հաչալով գալիս է ձեզ վրա.
* * * Նախ և առաջ մի ընկեք պանիկայի մեջ, որքան էլ դա ձեզնից ջանքեր պահանջի: Որքան վախենում է “զոհը”, այնքան ինքնավստահ է դառնում շունը և հակառակը, որքան ինքնավստահ է լինում “զոհը”, այնքան շունը գնալով կորցնում է ինքնավստահությունը: Եթե շունը տեսնի, որ դուք իրենից չեք վախենում, 90% դեպքում նա ուղղակի ձեզ վրա չի հարձակվի:
* * * Մի փորձեք փախչել: Հիշեք, որ որքան էլ արագ դուք վազեք, շունն ավելի արագ է վազում: Շնից վազելով փախչելը ֆիզիկապես անհնար է: Բացի այդ, վազելով դուք շան մեջ ևս մեկ անգամ արթնացնում եք բնազդ, և եթե նա անգամ ի սկզբանե նպատակ չուներ ձեզ կծելու, վազելու դեպքում նա ձեր ոտքը հաստատ կծելու է:
* * * Պետք է կանգնել անշարժ ու չնայել շան աչքերի մեջ: Նման դեպքում շունը հիմնականում հաչում է, բայց չի հարձակվում: Պետք է հանգիստ կանգնել և ցույց չտալ որևէ տիպի վախ: Ինչպես նաև չի կարելի նայել շան աչքերի մեջ, քանի որ շան կողմից դա ընկալվում է որպես մարտահրավեր: 90% դեպքերում նման պարագայում շները հաչում-հաչում են, և շուտով կորցնում հետաքրքրությունը: Լավ կլինի կանգնել կողքով: Այդպես դուք ավելի “բարակ” եք երևում, հետևաբար շունը ձեզնից ավելի քիչ վտանգ է զգում:
* * * Շեղեք շանը ձեռքի տակ եղած որևէ այլ առարկայով (պայուսակ, շիշ, տոպրակ և այլն): Շպրտեք իրը ձեզնից հեռու: Որպես կանոն շները վազում են իրոի ուղղությամբ և շեղվում:
* * * Ձևացրեք, որ գետնից քար եք վերցնում:
* * * Շանը հրամայեք “հետ գնալ” օրինակ օգտագործելով “ֆու” հրամանը: Բայց այդ ընթացքում դուք պետք է լինեք ինքնավստահ, ձայնը պետք է հնչի հաստ ու առանց վախի:

ԿԱՐԵՎՈՐ Է ՀԻՇԵԼ, որ մեր մեջ արմատացած են մի շարք սխալ գիտելիքներ շների մասին:
Նախ և առաջ այն, որ եթե շունը հաչալով մոտ է գալիս, ուրեմն նա պարտադիր գալիս է հարձակման: Շների հաչոցը ոչ միայն ագրեսիային զուգակցող ձայն է, այլ նրանց խոսալու և շփվելու լեզուն: Հաչալը օրինակ կարող է նշանակել, որ նա տարածքի այլ շներին տեղեկացնում է, որ մարդ է եկել, ճիշտ այնպես, ինչպես եթե մեր բակ նոր մարդ մտնի և մենք հարևանների հետ քննարկենք, թե նա ով էր, ում մոտ էր եկել և ինչու: Եթե ի սկզբանե դուք շան հաչոցից պանիկայի մեջ չընկնեք ու չանեք այնպիսի բաներ, որոնք շանը իսկապես կհրահրեն հարձակման, միգուցե շունը ձեզ չմոտենա էլ: Մի 2 բերան հաչա և գնա:

Կարևոր է ֆիքսել նաև էլի մի սխալ կարծրատիպ, թե իբր շները հարձակվում են սովից, եթե տարածքում չկա սնունդ:
Նախ և առաջ, եթե տարածքում չկա սնունդ, շները լքում են այդ տարածքը: Եթե տարածքում ընդհանրապես սնվելու աղբյուր չլինի, այդ տարածքում չեն լինի ոչ շներ, ոչ կատուներ, ոչ առնետներ: Եվ եթե անգամ նրանք սոված են, նրանք մարդուն չեն դիտարկում որպես սնունդ և սովը չի կարող լինել հարձակման պատճառ:
Երևանի թափառող շները սոված չեն, հավատաեցեք: Հայերը առաջին տասնյակում են որպես սնունդ թափող ազգ: Եթե փողոցում կան նիհար շներ, դա նրանց հիվանդ կամ թույլ լինելու և ոչ թե սովի արդյունքում է:

Իսկ ինչ վերաբերվում է երեխաներին, նրանց պետք է ամենավաղ տարիքից սովորեցնել չվախենալ շներից: Մեր հասարակության մեջ երեխային մեծացնում են շնից վախերով և շների նկատմամբ թշնամաբար տրամադրված, հետո բողոքում, որ տարածքում շուն կա, քանի որ իր երեխան վախենում է:
Բայց չէ՞ որ ոչ մի երեխա վախով չի ծնվում, վախերը մեծամասամբ երեխայի մեջ մենք ենք սերմանում: Եվ եթե անգամ երեխայի վրա ինչ-ինչ պատճառով շուն հարձակվի, անգամ նման պարագայում չի կարելի թույլ տալ, որ այդ վախը հանկարծ արմատ գցի երեխայի մեջ: Դրա դեմը պետք է շատ արագ առնել:

Այո, այս կենդանիները կան, նրանք գոյություն ունեն մեր շրջապատում, մեր իրականության մեջ և մեր ամբողջ շրջապատող աշխարհի միջից ՄԱՐԴԸ ՄԵՆՔ ԵՆՔ: Երբ Աստված ստեղծեց դրախտը, նա մարդուն ասաց, որ մարդը պետք է հոգ տանի բոլորին: Ոչ թե սպանի, ոչ թե ատի, ոչ թե վերացնի, այլ ՀՈԳ ՏԱՆԻ:
Այո, եթե թափառող կենդանիները մեզ խանգարում են, մենք պետք է գնանք նրան, որ այդ կենդանիները մի օր չլինեն: Բայց մենք դա պետք է անենք ամենաանվնաս, ամենամարդկային և ամենաքիչ դաժանությունը պարունակող ձևերով: Ստերջացման ծրագիրը հենց դրան է ուղղված, որ մի օր մենք փողոցներում շներ չունենանք:
Մենք կարող ենք վերանայել մեր վարքը, սովորել շփվել և լավ վերաբերվել կենդանիներին, սովորել նրանց վարքը նույնպես մեղմացնել սիրով, կերակուրով…
Չէ՞ որ այս բոլորի միջից ՄԱՐԴԸ մենք ենք…

Այստեղ Կարող է լինել Ձեր գովազդը։
#5

Related Articles

1 Comment

  • shneri tshnami , 23 Փետրվարի, 2020 @ 02:06

    et anter orenqy yndunoxin u pashtpanoxnerin tox ashxari sax shnery hum hum uten vor nor mardkutyuny xelqi ga es pahin shuny aveli shat iravunqner uni qan mard kochvacy ena asa mardna shan dzerqi kendanin vochte shuny mardu henc im tan dimac taparakan 6 hat vtangavor gampr ka 25 hatic avel dzaq u 3 hatel tuzik u et sax irar het vohmakov anboxch ory mardkanc vnas en tali hima ete chi kareli spanel uremn ekeq havqeq tareq stic vor mardiq hangist shunch qashen vaxy srtnerum ancnum en vor hesa hardzakvan ches prkvi

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով